Siloana (Siloani)
ਸੀਲੋਆਣਾ/ ਸੀਲੋਆਣੀ
ਜ਼ਿਲ੍ਹਾ ਲੁਧਿਆਣਾ ਦੀ ਰਾਏਕੋਟ ਤਹਿਸੀਲ ਵਿਚ ਰਾਏਕੋਟ ਅਤੇ ਲੰਮੇ ਜੱਟਪੁਰਾ ਦੇ ਵਿਚਕਾਰ (ਰਾਏਕੋਟ ਤੋਂ 9 ਤੇ ਲੁਧਿਆਣਾ ਤੋਂ 56 ਕਿਲੋਮੀਟਰ ਦੂਰ), 1200 ਦੀ ਅਬਾਦੀ ਵਾਲਾ, ਇਕ ਨਿੱਕਾ ਜਿਹਾ ਪਿੰਡ। ਇਸ ਪਿੰਡ ਵਿਚ ਗੁਰੂ ਗੋਬਿੰਦ ਸਿੰਘ ਸਾਹਿਬ 17 ਦਸੰਬਰ 1705 ਦੇ ਦਿਨ ਆਏ ਸਨ।ਗੁਰੂ ਜੀ ਮਾਛੀਵਾੜਾ ਤੋਂ ਚਲ ਕੇ ਅਜਨੇਰ, ਰਾਮਪੁਰ, ਦੋਰਾਹਾ, ਆਲਮਗੀਰ, ਲੰਮੇ ਜੱਟਪੁਰਾ ਤੋਂ ਹੁੰਦੇ ਹੋਏ ਏਥੇ ਪੁੱਜੇ ਸਨ। ਉਹ ਅਜੇ ਨੀਲ ਬਸਤਰ (ਮੁਸਲਮਾਨੀ ਲਿਬਾਸ, ਹਰੇ ਰੰਗ ਦੇ ਕਪੜਿਆਂ) ਵਿਚ ਸਨ। ਇੱਥੇ ਆਪ ਨੂੰ ਰਾਏਕੋਟ ਦਾ ਚੌਧਰੀ ਰਾਏ ਕਲ੍ਹਾ ਮਿਲਿਆ ਸੀ ਤੇ ਆਪਣੇ ਘਰ ਲੈ ਗਿਆ ਸੀ।ਗੁਰੂ ਜੀ ਜਿਸ ਬੇਰੀ ਹੇਠ ਬੈਠੇ ਸਨ, ਉਸ ਜਗਹ ’ਤੇ ਗੁਰਦੁਆਰਾ ਬੇਰੀ ਸਾਹਿਬ ਬਣਿਆ ਹੋਇਆ ਹੈ। ਇੱਥੇ ਇਕ ਬੇਰੀ ਦਾ ਦਰਖ਼ਤ ਹੈ ਜਿਸ ਬਾਰੇ ਕਿਹਾ ਜਾਂਦਾ ਹੈ ਕਿ ਜਿਸ ਬੇਰੀ ਹੇਠ ਗੁਰੂ ਜੀ ਬੈਠੇ ਸਨ, ਇਹ ਉਸੇ ਬੇਰੀਆਂ ਦੀਆਂ ਸ਼ਾਖ਼ਾਂ ਤੋਂ ਉੱਗਿਆ ਹੋਇਆ ਰੁੱਖ ਹੈ.
ਗੁਰਦੁਆਰਾ ਬੇਰੀ ਸਾਹਿਬ ਸੀਲੋਆਣੀ
(ਡਾ. ਹਰਜਿੰਦਰ ਸਿੰਘ ਦਿਲਗੀਰ)