Sathiala (Amritsar)
ਸਠਿਆਲਾ
ਜ਼ਿਲ੍ਹਾ ਅੰਮ੍ਰਿਤਸਰ ਦੀ ਰਈਆ ਤਹਿਸੀਲ ਵਿਚ, ਅੰਮ੍ਰਿਤਸਰ ਤੋਂ 46, ਬਿਆਸ ਤੋਂ 5, ਬਾਬਾ ਬਕਾਲਾ ਤੋਂ 4 ਤੇ ਜਲੰਧਰ ਤੋਂ 48 ਕਿਲੋਮੀਟਰ ਦੂਰ ਇਕ ਪਿੰਡ। ਇਸ ਪਿੰਡ ਵਿਚ ਗੁਰੂ ਨਾਨਕ ਸਾਹਿਬ ਅਤੇ ਗੁਰੂ ਤੇਗ਼ ਬਹਾਦਰ ਆਏ ਸਨ। ਉਨ੍ਹਾਂ ਦੀ ਯਾਦ ਵਿਚ ‘ਗੁਰਦੁਆਰਾ ਨਾਨਕਸਰ ਪਹਿਲੀ ਪਾਤਸਾਹੀ’ ਅਤੇ ‘ਗੁਰਦੁਆਰਾ ਡੇਰਾ ਸਾਹਿਬ ਪਾਤਸਾਹੀ ਨੌਵੀਂ’ ਬਣੇ ਹੋਏ ਹਨ। ਲੋਕਾਂ ਨੇ ਗੁਰੂ ਨਾਨਕ ਸਾਹਿਬ ਨਾਲ ਇਕ ਕਾਲਪਨਿਕ ਕਹਾਣੀ ਜੋੜੀ ਹੋਈ ਹੈ ਕਿ ਗੁਰੂ ਜੀ ਜਦ ਉੱਥੇ ਛੱਪੜ ਕੋਲ ਬੈਠੇ ਸਨ ਤਾਂ ਕੁਝ ਮੁਕਾਮੀ ਮੁਸਲਮਾਨ ਔਰਤਾਂ ਨੇ ਉਨ੍ਹਾਂ ਨੂੰ ਕਿਹਾ ਕਿ ਉਨ੍ਹਾਂ ਦੇ ਬੱਚਿਆਂ ਦੀ ਜਿਲਦ (ਚਮੜੀ) ਦੀ ਬੀਮਾਰੀ ਨਹੀਂ ਹਟਦੀ ਤਾਂ ਗੁਰੂ ਜੀ ਨੇ ਉਨ੍ਹਾਂ ਨੂੰ ਉਸ ਛੱਪੜ ਵਿਚ ਬੱਚਿਆਂ ਨੂੰ ਲਗਾਤਾਰ ਨੁਹਾਉਣ ਵਾਸਤੇ ਕਿਹਾ ਸੀ ਤੇ ਉਹ ਨੌ-ਬਰ-ਨੌ ਹੋ ਗਏ ਸਨ। ਅਜਿਹੀ ਕਹਾਣੀ ਗੁਰੂ ਨਾਨਕ ਸਾਹਿਬ ਦੇ ਆਗਰਾ ਜਾਣ ਸਬੰਧੀ ਵੀ ਬਣਾਈ ਹੋਈ ਹੈ (ਵੇਖੋ: ਆਗਰਾ).
(ਤਸਵੀਰ: ਸਠਿਆਲਾ ਦਾ ਗੁਰਦੁਆਰਾ)
(ਡਾ. ਹਰਜਿੰਦਰ ਸਿੰਘ ਦਿਲਗੀਰ)