Saho Wala (Sialkot)
ਸਾਹੋਵਾਲਾ
ਜ਼ਿਲ੍ਹਾ ਸਿਆਲਕੋਟ ਦੀ ਸੰਭੜਿਆਲ ਤਹਿਸੀਲ ਵਿਚ 800 ਸਾਲ ਪੁਰਾਣਾ ਇਕ ਪਿੰਡ (ਸਿਆਲਕੋਟ ਤੋਂ 14 ਅਤੇ ਉੱਗੋਕੇ ਤੋਂ 6 ਕਿਲੋਮੀਟਰ ਦੂਰ)। ਗੁਰੂ ਨਾਨਕ ਸਾਹਿਬ ਸਿਆਲਕੋਟ ਫੇਰੀ ਸਮੇਂ ਏਥੇ ਆਏ ਸਨ। ਉਨ੍ਹਾਂ ਦੀ ਯਾਦ ਵਿਚ ਪਿੰਡ ਦੇ ਪੱਛਮ ਵਿਚ ਇਕ ਗੁਰਦੁਆਰਾ ਬਣਿਆ ਹੋਇਆ ਹੈ। ਗੁਰਦੁਆਰੇ ਦੀ ਨਵੀਂ ਇਮਾਰਤ ਉਦਾਸੀਆਂ ਦੇ ਕਬਜ਼ੇ ਵੇਲੇ ਬਣੀ ਸੀ ਇਸ ਕਰ ਕੇ ਉਨ੍ਹਾਂ ਇਸ ਨੂੰ ਮੰਦਰ ਦੇ ਡਿਜ਼ਾਈਨ ਵਿਚ ਬਣਾਇਆ ਸੀ ਤੇ ਉਹ ਇਸ ਨੂੰ ਨਾਨਕ ਮੰਦਰ ਕਿਹਾ ਕਰਦੇ ਸੀ।
ਉਦਾਸੀ ਰਿਵਾਇਤ ਮੁਤਾਬਿਕ ਗੁਰੁੂ ਜੀ ਇੱਥੇ ਸੱਤ ਦਿਨ ਰਹੇ ਸਨ। ਕੁਝ ਲਿਖਤਾਂ ਵਿਚ ਇਸ ਦਾ ਨਾਂ ਸਾਹੋਵਾਲ ਲਿਖਿਆ ਹੈ, ਜੋ ਗ਼ਲਤ ਹੈ.
(ਡਾ. ਹਰਜਿੰਦਰ ਸਿੰਘ ਦਿਲਗੀਰ)